Қызылордада 2 күн бұрын суға батқан 11 жастағы баланың денесі табылды

Қызылордада 11 жастағы бала суға батып кетті, деп хабарлайды POLITICO.KZ.

Қызылорда қаласының іргесіндегі Тасбөгет кентінде 5-сынып оқушысы суармалы каналға батып кетті. Бұл туралы Төтенше жағдайлар департаментіне 3 мамыр күні хабарлама түскен. Жедел құтқару жасағының сүңгуірлері екі күн бойы су түбін сүзіп, оқушының денесін кеше алып шыққан.

Осы оқиғаға байланысты қылмыстық іс қозғалды. Мамандар балаларды қараусыз қалдырмауды ескертеді.