Ресей мен АҚШ БҰҰ Қауіпсіздік Кеңесінен Сириядағы жағдайға байланысты шұғыл кеңес өткізуді сұрады
Ресей мен АҚШ Сирияның батысындағы бейбіт тұрғындарға қарсы зорлық-зомбылық әрекеттеріне байланысты БҰҰ Қауіпсіздік Кеңесінен шұғыл консультация өткізуді сұрады, деп хабарлайды POLITICO.KZ.
Бұл туралы Ресейдің БҰҰ-дағы тұрақты өкілінің бірінші орынбасары Дмитрий Полянский өзінің Telegram арнасында мәлімдеді.
"Ресей мен АҚШ БҰҰ Қауіпсіздік Кеңесінің шұғыл жабық консультациясын сұрады. Талқылау Сирияның батысындағы бейбіт тұрғындарға жасалған зорлық-зомбылықпен байланысты", – деді Полянский.
Кеңес отырысы 10 наурызда Нью-Йорк уақытымен 10:00-де (Астана уақыты бойынша 20:00-де) өтуі мүмкін.
АҚШ пен Ресейдің бірлескен бастамасы Сириядағы қазіргі жағдайдың қаншалықты ушығып кеткенін көрсетеді.
БҰҰ Қауіпсіздік Кеңесінің жабық консультацияларында Сириядағы қақтығыстар, гуманитарлық жағдай, сондай-ақ халықаралық қауымдастықтың ықтимал шаралары талқыланбақ.
Бұл келіссөздерде Ресей мен АҚШ ортақ мәмілеге келе ала ма, жоқ па, ол әзірге белгісіз.
Соңғы жаңалықтар
