Реалити-шоу жұлдызы сүйіктісінің басын кесіп тастады

Австралияның Порт-Линкольн қаласында ит адам бас сүйегін тауып алды. Ол «Beauty and the Geek» реалити-шоуының жұлдызы Тамика Чессердің сүйіктісі — 39 жастағы Джулиан Сториға тиесілі болуы мүмкін.

Оқиға биыл маусым айында болған. Полиция шағын өрт шыққан пәтерге келгенде, Джулиан Сторидің дене қалдықтарын тапқан. Ер адамның басы орнында болмағандықтан, бірнеше апта бойы іздеу жұмыстары жүргізілген.

Басты күдікті — марқұмның сүйіктісі, тележоба жұлдызы Тамика Чессер.

Шілде айының соңында жоғалған бас сүйекті серуенге шыққан ит кездейсоқ тауып алған.

«Бұл — иттің ну жерге кіріп кетіп, шақырсаң да шықпайтын жағдайларының бірі», — деді детектив Даррен Филке баспасөз мәслихатында.

Қазір күдікті әйел қамауға алынған. Тергеу жалғасуда.