Сәуір айынан бастап декретке шыққандарға қатысты жаңа ереже енгізілді

2025 жылдың сәуір айынан бастап Қазақстанда декреттік төлемдерді есептеу тәртібі өзгерді, деп хабарлайды POLITICO.KZ.

Жаңа ережелер Еңбек және халықты әлеуметтік қорғау министрлігінің бастамасымен енгізілді. Бұған 2024 жылы анықталған заң бұзушылықтар себеп болды. Сол жылы 113 ана декреттік төлемді заңсыз арттырғаны үшін тергеуге алынған. Зиян көлемі – 158 миллион теңге.

Жаңа тәртіп бойынша:

1. Декретке шыққан әйелдер қандай төлемдер алады?

• Біржолғы төлем (жүктілік пен босануға байланысты): жүктіліктің 30-аптасынан бастап босанғанға дейінгі және босанғаннан кейінгі кезеңге (барлығы 126 күнге дейін).
• Бала тууына байланысты біржолғы төлем – МРП көлеміне байланысты бекітілген сома.
• Бала күтіміне байланысты ай сайынғы жәрдемақы – 1,5 жасқа дейін төленеді.

Маңызды: жұмыс істейтін әйелдер барлық төлемді алады, ал жұмыс істемейтіндер тек бала тууына байланысты біржолғы төлем мен күтім жәрдемақысын алады.

2. Есептеуде ескерілетін шектеу

Енді әлеуметтік төлемдерді есептеу кезінде ең көп табыс 7 ең төменгі жалақыдан (МЗП) аспауы тиіс. Бұл – 2025 жылы 595 000 теңге. Яғни ең жоғары төлем:

• Жүктілік пен босану бойынша – 2 249 100 теңге
• Бала күтімі бойынша – 214 000 теңге/айына
• Бала тууына байланысты төлем – 149 416 теңге

Осылайша, ең жоғары жалпы төлем – 6 250 000 теңге (22 ай ішінде).

3. Қандай табысқа ие әйелдер бұл төлемді алады?

Егер әйелдің ресми жалақысы 595 мың теңгеден жоғары болса, төлем сол шекті табыс бойынша есептеледі. Бұрын бірнеше жұмыс орнынан түскен табыстар біріктіріліп есептелсе, енді ол мүмкін емес.

4. Заңсыз төлемдерге тосқауыл

Енді декретке шыққаннан кейін жасалған әлеуметтік аударымдар есепке алынбайды. Бұрын әйелдер декретте жүріп, өз атына аударым жасап, жәрдемақыны өсіре алатын. Бұл олқылық жойылды.

5. Жұмыс істемейтін аналарға өзгеріс жоқ

Олар бұрынғыдай тек бала тууына байланысты және күтім бойынша жәрдемақы алады:

• 1-3 бала – 149 416 теңге (38 МРП)
• 4 және одан көп бала – 247 716 теңге (63 МРП)
• Күтім жәрдемақысы (айына):

1-бала – 22 648 теңге
2-бала – 26 777 теңге
3-бала – 30 866 теңге
4 және одан көп – 34 995 теңге

Мысалы: жұмыс істемейтін ана 1-бала үшін 22 айда 557 000 теңге алады.

6. 300 000 теңге жалақы алатын ана қанша алады?

• Декреттік төлем: 1 134 000 теңге
• Туу төлемі: 149 416 теңге
• Күтім бойынша жәрдемақы: 108 000 теңге
• Барлығы: 3 227 000 теңге (22 ай ішінде)

7. Әкелер де жәрдемақы ала алады

Бала күтіміне байланысты жәрдемақыны әке де рәсімдей алады. Ол ресми түрде декретке шығып, жұмыс орнына қайтып оралу құқығына ие.

Ақпарат informburo.kz сайтынан алынған.