«Семей орманында» ақша үшін ағаштарды заңсыз кесуге рұқсат берген лауазымды тұлғалар ұсталды

«Семей орманы» мемлекеттік орман табиғи резерватының бірқатар лауазымды тұлғасы пара алып, ағаштарды заңсыз кесу мен сатуға жағдай жасады деген күдікке ілінді, деп хабарлайды Politico.kz.

Ұлттық қауіпсіздік комитетінің мәліметінше, күдіктілер ақшалай сыйақы үшін адамдарға орманның ең құнды әрі өтімді учаскелеріне кедергісіз кіруге мүмкіндік берген. Тергеу нұсқасы бойынша, соның нәтижесінде ағаштарды жаппай заңсыз кесу және сату ұйымдастырылған.

Тінту барысында бухгалтерлік құжаттар, ағаш кесуге бөлінген орман орамдары мен ақша қаражатын бөлуге қатысты қолжазба жазбалар, сондай-ақ тергеу үшін маңызы бар өзге де заттай дәлелдемелер тәркіленген.

Қазіргі уақытта Қылмыстық кодекстің 366-бабының 3-бөлігі – пара алудың ауырлататын түрлері бойынша сотқа дейінгі тергеу жүргізіліп жатыр.

Күдіктілердің кінәсі соттың заңды күшіне енген үкімімен анықталады.

Мәмбет Қойгелді: Мұстафа Шоқай мен жарының сүйегін Түркістанға жерлеу қажет

Мәмбет Қойгелді: Алаш болмаса, Сахарада қой баққан қойшылар тобыры болар едік

ағаш кесу заңсыз әрекет Семей орманы Сыбайлас жемқорлық ҰҚК

«Семей орманында» ақша үшін ағаштарды заңсыз кесуге рұқсат берген лауазымды тұлғалар ұсталды

Соңғы жаңалықтар