Сенат Төрағасы жас зерттеушілер форумында сөз сөйледі

Сенат Төрағасы Мәулен Әшімбаев Young Researchers Alliance қауымдастығы ұйымдастырған Жас зерттеушілер форумында сөз сөйледі, деп хабарлайды POLITICO.KZ.

Ол жас ғалымдарға ілтипат білдіріп, ғылымның стратегиялық маңыздылығын атап өтті.

Мәулен Әшімбаев өз сөзінде ғылымды қаржыландырудың соңғы төрт жылда үш есеге артып, 250 млрд теңгеге жеткенін мәлімдеді. Сонымен қатар ғылым мен технологиялар саласындағы реформалардың маңызын ерекше атап өтті.

"Ғылым ұлттық стратегиялық мақсаттарға жетуге және елдің экономикалық тұрақтылығын қамтамасыз етуге бағытталуы тиіс," – деді Сенат Төрағасы.

Жиын барысында ғалымдар мен сарапшылар Қазақстанның ғылым саласындағы өзекті мәселелерін талқылап, ортақ міндеттерді айқындады. Мәулен Әшімбаев жас ғалымдарды жүйелі қолдау және инновациялық тәсілдерді енгізу арқылы ғылымды дамытудың маңыздылығына назар аударды.

Ақпарат senate.parlam.kz сайтынан алынған.