"Шақырмады": Сәбиттің ұлы қарындасының тойына неге бармағанын айтты

Әнші Алтынай Жорабаеваның тұңғыш қызының ұзату тойына актер Сәбит Әбдіхалықов пен әнші Айгүл Иманбаеваның ұлы Асылжанның қатыспауы желіде қызу талқыланды. Көпшіліктің сауалына жауап берген Асылжан тойға шақырылмағанын айтып, еш өкпесі жоғын жеткізді, деп хабарлайды Politico.kz.

Instagram парақшасында оқырмандарымен пікір алмасқан Асылжан өткен жылы Алтынай Жорабаеваның екінші қызы Айнара оның үйлену тойына келіп, құттықтап кеткенін еске алды.

"2024 жылы Айнара тойыма келіп, мені құттықтап кетті. Тойымыз Астанада ең жақын 30 шақты туыстың ортасында өтті. Оны Instagram-да жарияламадық. Айнара – өте парасатты, ақылды қыз. Оның қуанышына шын жүректен ортақпын", – деді ол.

Сондай-ақ Асылжан бұл жолы неліктен шақырту алмағанын түсінетінін айтып, бұл жағдайға сабырмен қарады.

"Тойға шақырту алған жоқпын. Оның себебін толық түсінемін. Ренішім жоқ, ешкімді кінәламаймын. Балаларды бір-біріне жақындататын – қан байланысы емес, үлкендердің өзара қарым-қатынасы", – деп жазды Асылжан.

Алтынай Жорабаева Той шоубизнес қыз ұзату

"Шақырмады": Сәбиттің ұлы қарындасының тойына неге бармағанын айтты

Соңғы жаңалықтар