Шерзат ісі: Марқұм Нұрғанат Ғайыпбаевқа қатысты тың дерек шықты

Нұрғанат Ғайыпбаевқа қатысты сот-медициналық сараптама жарияланды, деп хабарлайды POLITICO.KZ.

Талдықорғанда Шерзат ісі бойынша кезекті сот отырысы өтті.

Сарапшы Өмірбек Жолымбетовтің айтуынша, Ғайыпбаевтың денесінен көздің көгеруі, желке тұсындағы ісік, бел тұсында сырылған жарақаттар анықталған. Сонымен қатар бас миының шайқалуы диагнозы қойылған.

Жамбас аймағында өткір затпен салынған үш жара да тіркеліп, олар «жеңіл дене жарақаты» ретінде бағаланған.

Бұған дейін сотталушы Абзал Шынасыл Ғайыпбаевқа үш рет пышақ сұққанын мойындаған. Шерзаттың әкесі Қаржаубай Нұрымов пен оның туыстары бұл жолы да сот процесіне қатысқан жоқ.