Шерзат Полаттың ісінен кейін қызметінен босатылған полицей жаңа лауазымға тағайындалды

Алматы облысы полиция департаменті бастығының бұрынғы бірінші орынбасары Серік Шалқаров жаңа қызметке тағайындалды, деп хабарлайды Politico.kz сайты КазТАГ-қа сілтемемен.

Ақпаратты Ақтөбе облыстық полиция департаментінің баспасөз қызметі растады. Департаменттің мәліметінше, Серік Шалқаров Ақтөбе облысы полиция департаменті бастығының бірінші орынбасары қызметіне кіріскен.

Еске салайық, Серік Шалқаров қоғамда үлкен резонанс тудырған Шерзат Полаттың өлімінен кейін қызметінен босатылған болатын.

Шерзат Полатқа қатысты қайғылы оқиға 2025 жылғы 4 қазанға қараған түні болған. Бастапқыда полиция оқиғаға қатысы бар барлық күдіктілер ұсталғанын мәлімдеген. Алайда кейін марқұмның ата-анасы бұл іске қатысы бар адамдардың бәрі бірдей жауапқа тартылмағанын айтып, тергеудің толық жүргізілуін талап еткен еді.

Енді Серік Шалқаров Ақтөбе облысы полиция департаменті бастығының бірінші орынбасары қызметіне тағайындалды.