ШҚО-да алтынды заңсыз өндірген 21 адам ұсталды

Шығыс Қазақстан облысында алтынды заңсыз өндірумен айналысқан 19 шетелдік азамат пен екі жергілікті тұрғын ұсталды, деп хабарлайды POLITICO.KZ.

Полиция мәліметінше, арнайы операция өңірдегі кен орындарының бірінде жүргізілген. Тінту кезінде заң бұзушылардан экскаваторлар, бульдозерлер, ұсақтағыш қондырғылар мен құрамында алтыны бар зергерлік бұйымдар тәркіленді.

Аталған факті бойынша сотқа дейінгі тергеу басталды. Мекеменің хабарлауынша, тергеушілер осы заңсыз әрекетке қатысы болуы мүмкін 20-дан астам адамды тексеріп, дәлелдемелер жинастырып жатыр.