Шымкентте жас жігітті көшеде жүрген жерінен әскери бөлімге алып кеткен

Шымкентте полиция қызметкерлерінен қашамын деп құлап, ұсталып қалған жігіттің видеосы тарады , деп хабарлайды Politico.kz Otyrar порталына сілтеме жасап.

Оқиға 2 мамыр күні Чапаевка ауданында болған. Полиция қызметкерлері мен жергілікті атқарушы органдар әскерге шақырылушыны әскери есепке қою үшін жоспарлы іс-шаралар жүргізген. Ал жігіт жағдайды дұрыс түсінбей, қашуға тырысқан, эмоцияға бой алдырып құлап қалған.

Ведомствоның мәліметінше, себебі түсіндірілгеннен кейін жігіт өз еркімен жинақтау пунктіне барып, медициналық комиссиядан өткен. Қорытынды бойынша әскери қызметке жарамды деп танылды.

Ол қызметкерлердің әрекеттеріне қатысты шағымы жоқ екенін айтты. Сондай-ақ бұған дейін әскрге шақырылушыға қағаз жіберілген.