Солтүстік Корея Ресейге тағы да қосымша әскер жіберді

Солтүстік Корея Ресейге қосымша әскер жіберген болуы мүмкін. Бұл туралы Оңтүстік Кореяның Ұлттық барлау қызметі (NIS) мәлімдеді.

"Қаңтар мен ақпан аралығында Солтүстік Кореяның 1000-нан 3000-ға дейінгі әскери қызметкері Ресейге жеткізілгені туралы мәліметтер бар. Олар Курск облысына орналастырылған. Ақпанның бірінші аптасынан бастап жаңа әскерилердің жіберілгені байқалады, алайда олардың нақты саны әлі зерттелуде", – делінген барлау қызметінің хабарламасында.

Yonhap агенттігінің мәліметінше, бұл КХДР(КНДР)-дың Ресейге жасаған екінші әскери қолдау толқыны болуы мүмкін.

Бұған дейін Солтүстік Корея мен Ресей арасында әскери әріптестік күшейгені туралы ақпараттар тараған еді. Оңтүстік Кореяның әскери шенеуніктері бұл жағдайды жіті бақылап отыр.

Барлау қызметінің мәліметінше, КХДР әскерін Ресейге әскери жүк ұшақтары мен теңіз көлігі арқылы жеткізу жүзеге асырылған.

Сарапшылар бұл қадамды Мәскеу мен Пхеньян арасындағы қарым-қатынастың жаңа деңгейге шығуы деп бағалап отыр.

Оңтүстік Корея тарапы КХДР-дың Ресейге қандай мақсатпен әскер жібергенін нақтылау жұмыстарын жалғастыруда.