Талдықорғанда Шерзаттың соты кезінде жер сілкінді

Талдықорғанда жер сілкініп, сот отырысы тоқтап қалды, деп хабарлайды POLITICO.KZ. 

Жер сілкінісінің қарқыны 4 балл. Оның салдарынан Шерзаттың қазасына қатысты сот отырысы тоқтап қалды. Үзіліс алдында сот-медициналық сарапшылар сөз сөйледі.

Мамандардың айтуынша, Талдықорғаннан 12 шақырым қашықтықта жер сілкінісі тіркелген. «Сейсмологиялык зерттеу институты» ЖШС сейсмикалық станциялар желісі бүгін 16:01-де жер сілкінісін тіркеді.

Сілкініс ошағы - Қазақстан шекарасында Талдықорған қаласынан солтүстікке қарай 12 шақырым жерде орналасқан. 

ТЖМ мәліметінше, зардап шеккендер мен қиранды туралы мәлімет түспеген.