Талғарда ер адам өтіп бара жатқан адамдарға пышақ ала жүгірді

Талғар ауданында полицейлер мас күйінде өтіп бара жатқан адамдарды пышақпен қорқытқан 35 жастағы жергілікті тұрғынды ұстады, деп хабарлайды POLITICO.KZ.

Алматы облысы ПД ақпаратты растады.

Құқық бұзушыны жедел залалсыздандырып, полиция бөлімшесіне жеткізді.

"Ықтимал салдардың алдын алу мақсатында ер адам наркологиялық диспансерге орналастырылды. Сондай - ақ, ол қолданыстағы заңнамаға сәйкес жауапкершілікке тартылды",- деп нақтылады баспасөз қызметі.