Танымал актер бұрынғы әйеліне қайтадан үйленді

Түркиялық әйгілі актер Исмаил Хаджиоғлу мен оның бұрынғы жары Дуйгу Кумарки қайта некелесті. Бұл туралы Haber Global басылымы жазды.

Жұлдызды жұп алғаш рет 2016 жылы үйленіп,  2020 жылы ажырасқан болатын. Бұл некеден Йемин есімді ортақ қызы дүниеге келген.

Бес жылдық айырылысудан кейін қос тарап қарым-қатынасына тағы бір мүмкіндік беріп, нәтижесінде қайтадан үйленуге шешім қабылдады.

Салтанатты той жақын достарының қатысуымен кемеде өткен. Әлеуметтік желілерде тойдан кейін қызу талқыланған тақырыптардың бірі — қалыңдықтың терең ойықты сәнді көйлек таңдауы болды.

Айта кетейік, Исмаил Хаджиоғлу бұған дейін 2010–2015 жылдары актриса Вильдан Атасеверге үйленген. Кумаркимен ажырасқан соң, оның актрисалар Мерве Чагыран және Аслыхан Гюрбюзбен махаббат қарым-қатынастары болған. Алайда бұл байланыстар ұзаққа созылған жоқ.