Танымал шоумен әйеліне 5 млн теңгеге зираттан орын сыйлады

Ресейлік шоумен 8 наурызда сүйіктісіне ерекше сыйлық жасап, дәстүрлі гүл мен әтірдің орнына зираттан 1 миллион рубльге (шамамен 5,6 миллион теңге) орын сатып алып берген, деп хабарлайды POLITICO.KZ  Alash.kz-ке сілтеме жасап.

Шоуменнің айтуынша, ол әрдайым стандарттан тыс ойлап, қарапайым сыйлықтардан аулақ болуға тырысады.

"Әтір ұнамай қалуы мүмкін. Ал зираттағы орын – бұл жылжымайтын мүлікке салынған инвестиция!" – деп түсіндірді ол бұл әрекетін.

Сыйлық ерекше әрі сәнді көрінуі үшін шоумен учаскені алдын ала гүлдермен безендіріп қойған. Оның бұл қадамы желі қолданушылары арасында үлкен пікірталас тудырып, кейбірі оны әзіл ретінде қабылдаса, енді бірі тым шектен шыққан әрекет деп бағалады.