Танымал спортшыдан қатерлі ісік анықталды

Еуропа чемпионатының 1 500 метрге жүгіруден жеңімпазы Кира Магиан қатерлі ісік диагнозынан кейін ем қабылдап жатқанын хабарлады. Бұл туралы спортшы өз Instagram парақшасында жазды.

«Маған қатерлі ісік диагнозы қойылды. Бұл — қабылдауды қажет ететін күрделі жағдай, бірақ мен ем алуды бастап кеттім. Менің жанымда әрдайым сүйіспеншілік пен қолдау білдіретін отбасым мен жақын достарым бар екеніне шексіз ризамын. Қазір менің басты мақсатым — сауығу және әр күнмен өмір сүру. Жанашырлық пен рух бергеніңіз үшін алғыс айтамын. Мен бұл сынақпен бұрынғыдай — жарыс жолына шыққандағы рухпен күресуге дайынмын», — деп жазды Магиан.

Қазіргі таңда 33 жастағы Кира Магиан 2024 жылы Римде өткен Еуропа чемпионатында 1 500 метрге жүгіруден алтын медаль иеленген. Бұған дейін ол осы қашықтықта 2022 жылы күміс және 2016 жылы қола медаль жеңіп алған болатын.