Тоқаев Қазақстан мен Қатар арасындағы экстрадиция келісіміне қол қойды

Президент Қатармен құқықтық ынтымақтастықты күшейтетін заңдарға қол қойды

Мемлекет басшысы Қасым-Жомарт Тоқаев «Қазақстан Республикасы мен Қатар Мемлекеті арасындағы қылмыстық істер бойынша өзара құқықтық көмек туралы келісімді ратификациялау туралы» және «Қазақстан Республикасы мен Қатар Мемлекеті арасындағы ұстап беру туралы келісімді ратификациялау туралы» Қазақстан Республикасының заңдарына қол қойды, деп хабарлайды POLITICO.KZ.

Бұл келісімдер екі ел арасындағы құқықтық ынтымақтастықты нығайтуға, қылмыстық істер бойынша өзара көмек көрсетуге және экстрадиция тәртібін реттеуге бағытталған.

Сонымен қатар, мемлекет басшысының жарлығымен Қайрат Қалмұқаметұлы Төребаев Дүниежүзілік сауда ұйымы мен халықаралық экономикалық ұйымдар жанындағы Қазақстан Республикасының Тұрақты өкілі болып тағайындалды.

Бұл шешім Қазақстанның халықаралық сауда және экономикалық ынтымақтастығын дамытудағы ұстанымын күшейтуге ықпал етеді.