Тоқаевтың сынынан кейін: Екі облыста әкімдер ауыса ма?

17 шілде күні Атырау және Ұлытау облыстарының мәслихат депутаттары өңірдің жаңа әкімдерін тағайындауға келісім беру мәселесін талқылау үшін кезектен тыс отырыс өткізеді, деп хабарлайды Politico.kz.

Атырау облыстық мәслихатының жиыны таңғы сағат 9:30-да өтсе, Ұлытау облысының депутаттары сағат 11:00-де бас қосады.

Облыс әкімдерін тағайындау алдында олардың кандидатуралары мәслихат депутаттарының қарауына ұсынылып, келісімі алынуы тиіс. Әзірге әкімдікке ұсынылатын кандидаттардың есімдері ресми түрде жарияланған жоқ.

Еске салсақ, Атырау облысын 2022 жылдан бері Серік Шәпкенов басқарып келеді. Ал Ұлытау облысының әкімі қызметіне Дастан Рыспеков 2024 жылдың күзінде тағайындалған болатын.

Бұған дейін Мемлекет басшысы Қасым-Жомарт Тоқаев бірқатар өңір әкімдерінің жұмысын сынға алып, әлеуметтік-экономикалық даму, инфрақұрылым, экология және халықпен кері байланысты күшейту жөнінде нақты міндеттер жүктеген еді.

Mercedes мінген қыз аулаға басып кіріп екі адамды жаншып кетті

Кәсіпкер: Балабақшаның бәрі қазақша болса, тіл мәселесі шешіледі

Атырау облысы мәслихат Қасым Жомарт Тоқаев Ұлытау облысы әкім

Тоқаевтың сынынан кейін: Екі облыста әкімдер ауыса ма?

Соңғы жаңалықтар