Трамптың Путин және Зеленскиймен сөйлескеннен кейінгі басты мәлімдемелері

АҚШ президенті Дональд Трамп Ресей президенті Владимир Путин және Украина президенті Владимир Зеленскиймен телефон арқылы сөйлескеннен кейін маңызды мәлімдемелер жасады, деп хабарлайды POLITICO.KZ.

Мюнхендегі қауіпсіздік конференциясында Ресей, АҚШ және Украина өкілдері кездеседі
Дональд Трамптың айтуынша, 14 ақпанда Мюнхенде өтетін қауіпсіздік конференциясы аясында үш тараптың алғашқы кездесуі жоспарланған.

Путинмен алғашқы жеке кездесу Сауд Арабиясында өтуі мүмкін
Трамп Владимир Путинмен жеке кездесудің Сауд Арабиясында өтуі ықтимал екенін мәлімдеді. Сондай-ақ, екі ел басшыларының өзара ресми сапарлары (Мәскеу мен Вашингтонға) талқыланып жатқанын айтты.

Украинадағы қақтығысты кезең-кезеңімен реттеу жоспары қарастырылуда
АҚШ мемлекеттік хатшысы Марко Рубионың айтуынша, Вашингтон мен Мәскеу Украина мәселесін кезең-кезеңімен шешуге дайын. Бұл үдерісте территориялық мәселелер талқыланады.

Украинаның НАТО-ға кіру мәселесі: Трамптың ұстанымы
Трамп Украина НАТО-ға кіруге дайын емес екенін атап өтті. Бұл АҚШ-тың қазіргі ресми позициясын көрсетеді.

Трамп пен Путин Украинадағы соғысты тоқтату туралы келіссөздерді бастауға келісті
Ақ үй басшысы Путинмен жасалған келісімге сәйкес, қақтығысты реттеу үшін жедел келіссөздер жүргізілетінін айтты.

Украина келіссөздерден шеттетілмейді
Трамп Украинаның келіссөздерге толыққанды қатысатынын және оның мүдделері ескерілетінін атап өтті.