Түркістан облысында атаулы әлеуметтік көмекті заңсыз алғандар анықталды

Прокуратура органдары атаулы әлеуметтік көмек (АӘК) алу үшін азаматтардың өздерінің нақты табыстарын және жұмыс істейтін отбасы мүшелерінің санын жасырған фактілерін анықтады, деп хабарлайды POLITICO.KZ.

Тергеу мәліметінше, Сарыағаш, Мақтаарал аудандарында 4,2 млн теңге, Келес ауданында — 2,2 млн теңге заңсыз тағайындалған.

Сонымен қатар, Келес ауданындағы 13 тұрғын өтініш беру кезінде отбасымен бірге тұратын мүшелерін әдейі жасырған, осылайша жиынтық табысты төмендетіп, кедейшілік шегінен аспауға тырысқан. Нәтижесінде олар 2,2 млн теңгені заңсыз алған.

Аталған факт бойынша уәкілетті органға прокурорлық қадағалау актісі енгізілді.