«Қайрат» - «Реал» матчына билеттердің бағасы белгілі болды

30 қыркүйек күні Алматыда өтетін алматылық "Қайрат" пен мадридтік "Реалдың" матчына билеттердің бағасы мен деңгейі белгілі болды, деп хабарлайды POLITICO.KZ. 

"Қайрат"-"Реал" матчына билеттерді сату бойынша ресми сайт футбол сүйер қауым үшін маңызды әрі көптен күткен ақпаратты жариялады.

Ресми ақпаратқа сәйкес, билеттердің бағасы трибуналардың орналасуына тікелей байланысты. Билеттердің бағасы 250 мың теңгеге дейін болады.

• Солтүстік, Оңтүстік трибуналар - 75 мың теңге;
• Шығыс трибуна - 150 мың теңге;
• Батыс трибуна - 250 мың теңге;
• Батыс трибуна (1-9 секторлары, 1-2 қатар) - 30 мың теңге.