Түркістан облысында полицейлер есірткі сатып жатқан жерінен ұсталды

Олардың арасында есірткі қылмыстарына қарсы іс-қимыл басқармасы бастығының орынбасары Даулет Ермеков пен жедел уәкіл Үсен Сұлтанбаев бар, деп хабарлайды POLITICO.KZ Халықстан телеграм арнасына сілтеме жасап.

Біздің дерек бойынша, есірткімен күрес бөлімінің қызметкерлері тәркіленген анашадан пайда таппақ болған. Ал оларды қылмыс үстінде ҚР ІІМ ішкі қауіпсіздік департаментінің қызметкерлері ұстаған.

Ведомство, басшысы бірнеше күн бұрын үкімет алдында бағыныштыларының тәртіп бұзушылықтары үшін есеп берген, оқиғаға қатысты түсініктеме берді.

— ҚР ІІМ ішкі қауіпсіздік департаменті мен Түркістан облыстық полиция департаментінің ішкі қауіпсіздік басқармасы қызметтік міндеттерін теріс пайдалануға күдік келтірілген екі полиция қызметкерін ұстады және олар қылмыстық жауапкершілікке тартылды, — деді ІІМ ресми өкілі Шыңғыс Алекешев. 

Екі күдікті де қамауға алынып, уақытша ұстау изоляторына жабылды. Тергеу амалдары жүргізіліп жатыр.

Бұдан бөлек, Түркістан облыстық полиция департаментінде шұғыл түрде тәртіптік комиссия отырысы өтіп, екі қызметкер де теріс себептермен жұмыстан босатылды.

— Ішкі істер министрі өз қатарларын адал емес қызметкерлерден жүйелі түрде тазарту бағытындағы жұмыстың тұрақты түрде жүріп жатқанын бірнеше рет атап өткен. Біз антқа опасыздық жасағандарға қатысты қатаң және ымырасыз ұстанымда екенімізді мәлімдейміз, — деді Алекешев.