Түркістан облысында сабақ үстінде оқушы көз жұмды

Түркістан облысы Шардара ауданында 5 сынып оқушысы қайтыс болды, деп хабарлайды POLITICO.KZ.

Облыстық білім басқармасының хабарлауынша, оқушы дене шынықтыру сабағы кезінде жаттығу жасаған. Сол сәт биіктіктен құлап кеткен.

«Мұғалім мен мектептің медициналық қызметкері алғашқы көмек көрсетіп, оқушыны Шардара аудандық ауруханаға жедел жеткізген. Өкінішке қарай, ота кезінде бала көз жұмды», - деп хабарлады білім басқармасы.

Қайғылы жағдай күзгі каникул басталмай тұрып болған. Қазіргі уақытта тергеу жүріп жатыр.

#оқушы #Түркістан облысы