Түркияда жойқын жер сілкінісі болып, бір аудан қирап қалды

Түркияның Балыкесир провинциясында 6,1 магнитудалы жер сілкінісі тіркеліп, сейсмикалық оқиға Сындыргы ауданында орын алды.

AFAD дерегінше, жерасты дүмпуі жергілікті уақытпен 19:53-те басталып, Мәрмәр мен Эгей өңірлеріндегі бірнеше провинцияда, соның ішінде Ыстанбұл қаласында да айқын сезілген. Күшті сілкініс салдарынан шамамен 10 үй қирап, қазіргі уақытта зардап шеккендер туралы мәлімет нақтылануда. Түркия Ішкі істер министрлігі қираған үйлердің бірінің астынан төрт адамның аман-есен құтқарылғанын хабарлады. Құтқару және іздестіру жұмыстары әлі де жалғасып жатыр.

Бұл оқиға өңірдегі сейсмикалық қауіптің өзекті екенін көрсетіп, табиғи апаттарға дайындықтың маңыздылығын тағы бір мәрте дәлелдеді.