Тұрмысқа шығу туралы ұсыныстан кейін бойжеткен инсульт алды

Грекияда Чехиядан келген турист қыз сүйіктісінің үйлену туралы ұсынысынан кейін бірнеше секунд ішінде инсульт алып, ауыр халге түсті.

Бұл туралы Daily Mail басылымы хабарлады.

Оқиға Левкас аралындағы Пайғамбар Ілия шіркеуінде болған. Ақпаратқа сәйкес, 24 жастағы бойжеткен жігіті бір тізерлеп, үйленуге ұсыныс жасаған сәтте есінен танып қалған.

Жергілікті ақпарат көздері оның шұғыл түрде аралдағы ауруханаға жеткізіліп, артынша материктегі Янина қаласына эвакуацияланғанын хабарлады. Дәрігерлердің алдын ала тексеру нәтижесіне сәйкес, бойжеткенде ауқымды инсульт тіркелген.

Қазіргі уақытта ол ауыр, бірақ тұрақты хәлде жансақтау бөлімінде жатыр.