"Үміт бар": СІМ Ақжарқын Тұрлыбайдың елге қайтарылуына қатысты мәлімдеме жасады

ҚР Сыртқы істер министрлігінің бірінші орынбасары Ержан Ашықбаев Қытайда өмір бойына сотталған Ақжарқын Тұрлыбайға қатысты тараған ақпаратқа пікір білдірді, деп хабарлайды POLITICO.KZ.

Вице-министр қазіргі таңда Ақжарқын Тұрлыбайдың Қазақстанға әлі жеткізілмегенін мәлімдеді.

Министрліктің дерегінше, оны елге қайтару бағытында тиісті жұмыстар жүргізіліп жатыр. Алайда нақты қандай шаралар қабылданып жатқанын Ашықбаев ашып айтпады.

«Қарамағымда болмағандықтан қандай шаралар қолданылып жатқанын нақты айта алмаймын. Жазбаша сауал жіберсеңіздер, ақпарат беретін боламыз. Әрине, ол Қазақстан Республикасының азаматы болғаннан кейін бұл мәселе ұдайы бақылауда. Үмітіміз бар, бірақ қаншалықты жүзеге асатынын уақыт көрсетер», – деді ол.

ақжарқын тұрлыбай СІМ Қытай