ҰҚК Шымкенттегі полиция бастығын тергеп жатыр
ҚР Ұлттық қауіпсіздік комитеті Шымкент қаласы Әл-Фараби аудандық полиция басқармасының бастығы Батыр Мырзагелдиевтің ұсталуына қатысты ресми түсініктеме берді, деп хабарлайды Politico.kz
Ведомство редакциямыз жолдаған арнайы сауалға сәйкес қазіргі уақытта тиісті тергеу амалдарының жүріп жатқанын растады.
«Сотқа дейінгі тергеп-тексеру жүргізіліп жатқанын хабарлаймыз. Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды», — делінген ресми жауапта.
Еске салайық бұған дейін ақпараттық кеңістікте Ұлттық қауіпсіздік комитетінің арнайы жасағы жүргізген шұғыл операцияның деректері тараған еді. Онда полиция полковнигі Батыр Мырзагелдиевтің 20 миллион теңге көлемінде ірі пара алды деген күдікпен ұсталғаны айтылған болатын.
Аталған оқиғаға қатысты Мырзагелдиевтің қорғаушысы да пікір білдіріп Батыр Мырзагелдиевтің өз кінәсін мойындамайтынын жеткізді. Адвокаттың пайымдауынша бұл әрекет Шымкент қаласының басқа ауданындағы полиция өндірісінде жатқан істерге қатысы бар тұлғалардың ұйымдастырған арандатушылығы болуы мүмкін.
Соңғы жаңалықтар
