Зеленский: "Украина бейбітшілікті көздейді, бірақ соғыс Ресейдің кесірінен жалғасуда"

Украина президенті Владимир Зеленский өзінің Telegram арнасында Украинаның соғыстың алғашқы секундынан бері бейбітшілікке ұмтылып келе жатқанын мәлімдеді, деп хабарлайды POLITICO.KZ.

"Біз әрдайым соғыстың жалғасуының жалғыз себебі – Ресей екенін айтып келеміз. Украина ең басынан-ақ бейбітшілікті таңдады", – деді Зеленский.

Президент Украина армиясының бөлімшелеріне ерекше алғыс білдіріп, олардың елді қорғау жолындағы ерліктерін атап өтті.

"Украинаның позициясын қорғап, жауды жоюға атсалысып жатқан барлық әскери бөлімдерімізге, бригадаларымызға алғыс айтамын. Олар біздің мемлекетті күшейтіп, бейбітшілікке жақындатып жатыр", – деді ол.

Зеленский өз жазбасында Украина армиясының бірнеше бөлімшелерін ерекше атап өтті:
503-ші жеке теңіз жаяу әскері батальоны
128-ші жеке тау-шабуыл Закарпат бригадасы
37-ші жеке теңіз жаяу әскері бригадасы
36-ші жеке теңіз жаяу әскері бригадасы (контр-адмирал Михаил Билинский атындағы)
16-ші жеке армия авиация бригадасы ("Броды")
15-ші жедел мақсаттағы бригадасы (Ұлттық гвардия)

Президент бұл бөлімшелердің Украинаны қорғауда маңызды рөл атқарып жатқанын және олардың күш-жігері елдегі бейбітшілікке жол ашатынын атап өтті.

Зеленскийдің бұл мәлімдемесі Украина мен АҚШ арасындағы Джиддада өтетін бейбіт келіссөздер қарсаңында жарияланып отыр.