Зеленский украиналық құтқарушыларға алғыс айтты

Украина президенті Владимир Зеленский Ресей шабуылдарынан кейін халыққа көмектескен құтқарушыларға алғысын білдірді, деп хабарлайды POLITICO.KZ.

"Бүкіл апта бойы – және әрбір шабуылдан кейін – біздің құтқарушылар әрдайым халықтың жанында. Олар зардап шеккендерге көмектесіп, адамдардың өмірін сақтап қалуда. Біз әрқашан олардың еңбегін жоғары бағалаймыз", – деді Зеленский өз видео үндеуінде.

Президент Донецк облысында қызмет етіп жүрген құтқарушыларды ерекше атап өтті. Оның ішінде Дмитрий Ахарков, Артем Бернад, Евгений Осадчий, Дмитрий Литовченко, Александр Маслюк сияқты құтқарушыларға алғыс айтты. Сонымен қатар, Андрей Земляной, Сергей Конов, Денис Суханов, Владимир Аллик, Сергей Усов және Донецк облысындағы бүкіл ГСЧС ұжымына ризашылығын білдірді.

Харьков облысында қызмет атқарған құтқарушылар да назардан тыс қалған жоқ. Алексей Макушенко, Кирилл Швачка, Андрей Олейник, Александр Рабченюк, Максим Адамович, Роман Веретельник, Андрей Валуев, Павел Саранча, Андрей Тур және Юрий Денчик Зеленскийден алғыс алды.

"Баршаңызға рақмет! Украина үшін, халқымыз үшін еңбек етіп жүрген әрбір жанға алғыс айтамын. Біздің құтқарушыларымыз – нағыз батырлар! Слава Украине!", – деді президент.