Жамбыл облысында көкпардағы жанжал сотпен аяқталды

Жамбыл облысының Жуалы ауданында көкпар кезінде шыққан жанжал сотпен аяқталды. Екі азаматқа әкімшілік құқық бұзушылық туралы кодекстің 434-бабы 1-бөлімі («Ұсақ бұзақылық») бойынша іс қозғалып, әрқайсысына 78 мың теңгеден астам айыппұл салынды, деп хабарлайды POLITICO.KZ.

Оқиға 2025 жылдың қаңтарында Ертай ауылында өткен көкпар ойындары кезінде болған. Сотта анықталғандай, ер адамдардың бірі қарсылас ойыншының атының басына бетімен соғылып, сол сәтте жанжал туындаған. Олар бір-бірін көпшілік алдында бейәдеп сөздермен балағаттап, айналасындағыларға құрметсіздік танытқан.

Сот шешімі

• Екі азамат өз кінәларын мойындап, іс-әрекеттеріне өкініш білдірді.
• Жуалы аудандық соты оларды кінәлі деп тауып, әрқайсысына әкімшілік айыппұл тағайындады.
• Сот шешімі заңды күшіне енді.

17 қаңтарда Атырауда 38 жастағы жүргізуші автобусқа соғылып, жаяу жүргіншіні қағып, оқиға орнынан қашып кеткен.

Ақпарат CMN.KZ сайтынан алынған.