Жас келін енесін өлтірді деген күдікке ілінді

Әзербайжанның Астар ауданының Қақалос ауылында 55 жастағы әйелдің өліміне қатысты келіні күдікті ретінде ұсталды.

Тараған ақпаратқа сәйкес, 1970 жылы туған Халида Манафова бірнеше рет пышақ жарақатын алып, Астар орталық аудандық ауруханасына жеткізілген. Алайда, дәрігерлердің барлық әрекетіне қарамастан, әйелдің өмірін сақтап қалу мүмкін болмады.

Оқиға орнына жеткен құқық қорғау органдары марқұмның келіні – 2004 жылы туған Рухана Иманованы қамауға алды. Қазіргі уақытта бұл факті бойынша қылмыстық іс қозғалды.

Оқиғаның мән-жайы анықталып жатыр. Марқұмның денесі сот-медициналық сараптама жүргізу үшін моргқа жөнелтілді.