Жұлдыз Әбдукаримова өзінің гендер-патиі жайлы айтты

Қазақстандық актриса, әнші Қайрат Нұртастың жары Жұлдыз Әбдукаримова бесінші рет ана атанбақ. Ол желі қолданушыларының гендер-пати өткізу туралы сұрағына жауап берді, деп хабарлайды POLITCO.KZ.

Актрисаның айтуынша, қазіргі таңда үлкен қызының мектеп бітіруіне байланысты шаруалармен айналысып жүр.

Қарнымдағы бөпеме: «Сабыр ет, асықпа. Сыртта жүрген балалардың шаруасын реттеп алайын. Мен жалғызбын, ал сендер – бесеу болдыңдар», – деп айтамын, – деп жазды ол.

Ал гендер-пати өткізу туралы сұраққа Жұлдыз ашық жауап берді. Ол мұндай кеш ұйымдастыруға қарсы еместігін айтты.

Бұл туралы ойымда бар. Құдай қаласа, егер сіздер қызықты идея ұсынсаңыздар, гендер-патиді бірге өткіземіз, – деп жазды актриса.