Батыс Қазақстанда 3 300-ге жуық саяжай үйі суға кетті
Батыс Қазақстан облысында саяжайларда 3 294 үй суға кетті. БҚО ТЖ департаментінің баспасөз қызметінен мәлім еткеніндей, соның 2 921-і Орал қаласындағы өзен жайылмаларында орналасқан.
«Облыс бойынша су тасқыны басталғаннан бері 13 777 адам эвакуацияланса, соның 5 717-сі – балалар. Эвакуациялық пункттерде 2 314 адам тұрып жатса, соның 998-і – балалар. 11 463 адам туыстарына кеткен. 4 925 мал қауіпсіз жерге айдалды. Апаттық-құтқару жұмыстарына 10 519 адам, 1 784 техника, 212 су сору құралы, 164 қайық және 4 тікұшақ жұмылдырылған», деп хабарлады ведомстводан.
ПІКІР ЖАЗУ
