10 жастағы оқушы қыз қар астында қалып қаза тапты

Краснояр өлкесіне қарасты Березовка кентінде қайғылы оқиға тіркелді. 10 жастағы мектеп оқушысы аулада ойнап жүріп, қар астында қалып көз жұмды, деп хабарлайды Politico.kz.

Алдын ала мәлімет бойынша, қыз бала Совхозная көшесіндегі үйдің маңында қар үйіндісін қазып, қар тоннелін жасап ойнаған. Сол сәтте үстіндегі қалың қар опырылып түсіп, шығатын жолды толық жауып қалған. Бала өздігінен шыға алмай, оқиға орнында қаза тапқан.

Аталған дерек бойынша «абайсызда өлімге әкеп соғу» бабы бойынша қылмыстық іс қозғалды. Оқиғаның барлық мән-жайы анықталып жатыр.

оқиға Ресей қаза тапты