80 жастағы кейуананы зорлап өлтірген 65 жастағы ер адам ұсталды

Астана қаласында осыдан тоғыз жыл бұрын, яғни 2016 жылы жасалған аса ауыр қылмыс ашылды, деп хабарлайды POLITICO.KZ.

2016 жылы өз үйінде 80 жастағы әйел кісі қолыннан қаза тапты. Қылмыскер ішке кіріп, зейнеткерді қорлап, қылмыстың ізін жойғысы келіп, оны қатты ұрып, өлтіріп, қашып кеткен.

Оқиға орнында криминалистер елеусіз байқалатын биологиялық іздерді алып, олардан ДНҚ-кодты бөліп алды.

Арада тоғыз жыл бойы қылмыс ашылмаған, ал қандықол жасырынып жүрген. Күні бүгінге дейін қолға түспей келген.

«ІІМ молекулалық-генетикалық зертханасы мен ДНҚ базасының жаңа технологиялары арқасында сәйкестік анықталды. Осылайша, 65 жастағы күдіктінің жеке басы белгілі болды. Ер адам ұсталып, УҰИ-ға қамалды. Ол қылмысты мойындағанын айтты», - деп атап өтті ІІМ жедел-криминалистикалық департаментінің мамандары.

Қазіргі заманғы криминалистік әдістер ауыр және аса ауыр қылмыстарды жасағаннан біраз уақыт кейін де оларды ашуға мүмкіндік беретінін атап өтті. Бұл жағдай жазадан ешкім құтыла алмайтынын дәлелдейді.