Абзал Нүкенов Президент Әкімшілігіндегі қызметінен босатылды

Мемлекет басшысының өкімімен Абзал Нүкенұлы Нүкенов Қазақстан Республикасы Президенті Әкімшілігінің Ішкі саясат бөлімінің меңгерушісі лауазымынан босатылды. Бұл туралы Ақорданың баспасөз қызметі хабарлады, деп жазады Politico.kz.

Абзал Нүкенұлы Нүкенов 1978 жылы 21 шілдеде Алматы облысында дүниеге келген. Әл-Фараби атындағы Қазақ ұлттық университетін бітірген. Саяси ғылымдарының кандидаты. Қазақ және орыс тілдерін меңгерген.

Еңбек жолын 2000 жылы «Отан» республикалық саяси партиясының орталық аппаратында кеңесші болып бастаған. Кейін Алматы қаласы Ішкі саясат департаментінде бөлім басшысы, Әуезов ауданы әкімінің орынбасары қызметтерін атқарған.