"Әкесінен зорлық көріп келген": Павлодардағы 10 жасар қыздың оқиғасы туралы сұмдық ақпарат шықты
Павлодар облысында өгей әкесі 10 жасар қызға жыныстық зорлық көрсеткені үшін 20 жылға бас бостандығынан айырылды,деп хабарлайды Politico.kz.
Павлодар облысының қылмыстық істер жөніндегі мамандандырылған ауданаралық соты ауыр қылмыс жасаған адамға қатысты үкім шығарды. Оқиға 2020 жылы болған: сол кезде 10 жастағы қыз бала соқыршек (іші ауыру) диагнозымен ауруханаға түскенде, дәрігерлер оның жыныстық зорлық-зомбылыққа ұшырағанын анықтаған.
Жәбірленуші кейіннен бұл туралы туған әкесіне айтып, полицияға арызданған. Тергеу нәтижесінде қыздың анасымен бірге тұратын өгей әкесі кінәлі деп танылды. Іс жәбірленушінің құқықтарын қорғау мақсатында жабық режимде қаралды.
Сот отырысында судья Құдабай Сұлтанов былай деп үкім оқыды:
«М. есімді сотталушы жәбірленушінің дәрменсіз жағдайын пайдалана отырып, кәмелетке толмағандарға қатысты жыныстық зорлық-зомбылық әрекеттер жасағаны үшін кінәлі деп танылсын. Оған педагогикалық қызметтер атқару және кәмелетке толмағандармен жұмыс істеуге байланысты лауазымдарды өмір бойына иеленуге тыйым сала отырып, 20 жыл мерзімге бас бостандығынан айыру жазасы тағайындалсын. Жазасын орташа қауіпсіздіктегі қылмыстық-атқару жүйесі мекемесінде өтейтін болсын».
Бұл үкім кәмелетке толмағандарға қарсы жасалған ауыр қылмыстарға қатаң жаза қолданудың мысалы болып табылады. Мұндай істерде жәбірленушілердің психологиялық жағдайын ескере отырып, сот процестері жабық өткізіледі.
Соңғы жаңалықтар
