Алматыда полиция қызметкері блогерге қыздарды құшақтамауды ескертті

Әлеуметтік желіде, атап айтқанда TikTok-та dursunkz.official атты қолданушының видеосы қызу талқыға түсті. Видеода Алматы қаласының Арбатында полиция қызметкері блогерге қыздарды құшақтамау керектігін ескертеді.

Полиция қызметкері өз сөзінде бөгде адамның баласын, әсіресе кәмелетке толмаған баланы құшақтауға, шашынан ұстауға болмайтынын түсіндірген. Ол бұл әрекеттердің артынан ата-аналарынан шағым түсуі мүмкін екенін айтады. Блогер болса, жанындағы қыздың өзінің қарындасы екенін айтып ақталған. Алайда, оның бұл сөзінің рас-өтірігі белгісіз.

Бұл видеоның астында көптеген пікір қалдырған желі қолданушылары полиция қызметкерінің әрекетін дұрыс деп санап, оны қолдаған.