Алматыда сот орындаушы 370 миллион теңге мен Range Rover автокөлігін иемденіп алған

Алматы қаласында жеке сот орындаушы өндіріп алынған қаражатты иемденіп, аса ірі көлемде алаяқтық жасағаны үшін сотталды, дкп хабарлайды POLITICO.KZ.

Қала прокуратурасының тексеруі барысында оның қызмет өкілеттігін теріс пайдаланып, өндіріп алушыларға тиесілі 370 миллион теңгеден астам қаржыны өзіне аударып алғаны анықталды.

Сонымен бірге ол Range Rover автокөлігін заңсыз иеленіп, мемлекетке 19 миллион теңгеден астам шығын келтірген.

Алмалы аудандық сотының үкімі бойынша сот орындаушысының қылмыстық жолмен тапқан мүлкі тәркіленіп, ол 8 жылға бас бостандығынан айырылды, сондай-ақ сот орындаушысы ретінде жұмыс істеу құқығынан айырылды. Аталған үкім әзірге заңды күшіне енген жоқ.