Алты айлық баласымен жалғыз қалған: Айгүл Иманбаева ауыр сынағы туралы айтты

3 маусым 2026, 13:53 7997

Алты айлық баласымен жалғыз қалған: Айгүл Иманбаева ауыр сынағы туралы айтты — фото: Instagram

Актриса Айгүл Иманбаева 22 жасында өміріндегі ең ауыр кезеңдердің бірін бастан өткергенін айтты. Өнер иесінің сөзінше, алғашқы ажырасуы оның тағдырын түбегейлі өзгерткен, деп хабарлайды Politico.kz.

Айгүл Иманбаева университетті тәмамдағаннан кейін күйеуінен ажырасып, қолындағы алты-жеті айлық сәбиімен анасының үйіне оралғанын еске алды.

«Еркелеп өскен Айгүл аяқ астынан жоқшылық көрді. Баламды ауылда анама қалдырып, өзім Алматыға келіп, төрт-бес жерде қатар жұмыс істедім. Ауылдағы сөз бен намыс мені алға жетеледі», – деді актриса.

Өнер иесінің айтуынша, дәл сол қиын кезеңдер оған өмірдің шынайы бағасын түсіндірген.

«Адаспаймын деп жүріп адастым, бірақ сол арқылы өз жолымды таптым. Аштық пен тоқтықтың, баршылық пен жоқшылықтың қадірін сол кезде ұқтым», – деді Айгүл Иманбаева.

Ажырасу Айгүл Иманбаева Отбасы Шоу-бизнес

Бізді Google-дың негізгі дереккөздер тізіміне қосыңыз

Қосу

Алты айлық баласымен жалғыз қалған: Айгүл Иманбаева ауыр сынағы туралы айтты

Соңғы жаңалықтар