Ангела Меркель Ресейге қатысты күтпеген мәлімдеме жасады

Германияның бұрынғы канцлері Ангела Меркель Ресейдің мүдделерін ескерудің маңыздылығын атап өтті, деп хабарлайды POLITICO.KZ РИА Новостиге сілтеме жасап.

Ол «Солтүстік ағын – 2» жобасына қатысты сынға қарсы шығып, қабылданған шешімдерді сол кездегі тарихи контекст аясында қарастыру керектігін мәлімдеді.

"Ол кезеңді еске алуға кеңес беремін. Сонымен қатар, сол уақыттағы шешімдерді қате деп бірден айта салуға болмайды. Мен өз басым мұндай көзқарасты қабылдамаймын", – деді Меркель.

Бұған дейін экс-канцлер Украинадағы қақтығысты реттеу үшін дипломатияны қолдануды ұсынған. Сонымен қатар, ол Германияның әскери шығындарын арттыруды қолдаған неміс саясаткерлерінің бастамасын да жақтаған.