«Ақордадағы ауыс-түйіс»: Руслан Желдібай президенттің көмекшісі болып тағайындалды

Қасым-Жомарт Тоқаев Руслан Желдібайды өзінің жаңа көмекшісі және баспасөз хатшысы етіп тағайындады, деп хабарлайды POLITICO.KZ. 

«Мемлекет басшысының жарлығымен Руслан Сұлтанұлы Желдібай Қазақстан Республикасы президентінің көмекшісі – президенттің Баспасөз хатшысы болып тағайындалды, ол бұрынғы атқарған лауазымынан босатылды», деп хабарлады Ақорда. 

Бұған дейін Желдібай президент кеңесшісі – президенттің баспасөз хатшысы лауазымын атқарған.

Ал Қуанышбек Есекеев президент көмекшісі болып тағайындалды, ол бұрынғы атқарған лауазымынан босатылды. Ол 2024 жылдың маусымында президентінің кеңесшісі болып тағайындалған.

Сондай-ақ Марат Әшім президентінің кеңесшісі – президент протоколы қызметінің бастығы лауазымына тағайындалды.