АҚШ Украинаға Ресей жерін ұзақ қашықтықтағы қарумен соққы жасауға ресми рұқсат берді

АҚШ Мемлекеттік департаменті Ресейге алыс қашықтықтағы зымырандармен соққы беруге рұқсатты растады, деп хабарлайды The Bell. Бір тәуліктен астам бейресми ақпараттан кейін АҚШ Мемлекеттік хатшысының батыс жарты шар істері жөніндегі көмекшісі Брайан Николс Бразилия басылымына берген сұхбатында Ресейдің "ескі" территориясына Украинаның зымыран соққыларына жасауға болатынын растады. "Президент Байден Украинаға пайдалануға рұқсат берген қару-жарақ оған өзін қауіпсіз қорғауға мүмкіндік береді. Бұдан бөлек Ресейге Украина территориясын күшпен басып алуын сәтті болмайтынын және келіссөздерді бастаған дұрыс екенін ұқтырып, Украина территориясынан кеткені дұрыс екенін түсінуге мүмкіндік береді деп үміттенеміз", - деді Николс. Айта кетейік, OGlobo сұрағы келесідей болған еді: "Жексенбіде АҚШ Украинаның алыс қашықтықтағы зымырандарды қолдануына рұқсат берді. Бұл соғыстың одан әрі өршуіне әкелмейді ме?»