"Ақша да жоқ, мал да жоқ": Блогер NNN Нұрдәулет Бектұрсын 48 млн жымқырған?

Блогер NNN Нұрдәулет Бектұрсын 8 жыл бұрын субсидия алған

Журналист Гүлмира Абықай Facebook парақшасында даулы мәліметпен бөлісті. Оның жазуынша, Instagram желісінде 5 миллионнан астам оқырманы бар танымал блогер NNN Нұрдәулет Бектұрсын 8 жыл бұрын Үкіметтен мал бордақылауға 48 миллион теңге көлемінде субсидия алған.

Алайда, уақыт өте келе бұл қаражаттың қалай жұмсалғаны белгісіз күйінде қалып отыр. Жергілікті жұрттың сөзіне сенсек, сол қаржы мал шаруашылығына емес, блогердің өзін танымал етуге, яғни жеке брендіне жұмсалған болуы мүмкін.

"Ақша да жоқ, мал да жоқ. Бұл қаржыны мал бордақылауға емес, өзін жарнамалауға жұмсады", – дейді Кентаулық жерлестері.

Әзірге ресми тергеу не тексеріс жүргізіліп жатқаны жөнінде де хабар жоқ.