Ақшаға мерзімінен бұрын босату ма? СҚО-да түрме басшысы ұсталды

Солтүстік Қазақстан облысының қылмыстық-атқару жүйесінде кезекті даулы жағдай тіркелді. Сыбайлас жемқорлыққа қарсы қызмет өкілдері түрме басшысын ұстады, деп хабарлайды Politico.kz сайты HALYQSTAN-ға сілтемемен.

№52 мекеме Қызылжар ауданының Ольшанка ауылында орналасқан. Ресми дерекке сәйкес, 2024 жылдан бері бұл мекемені 46 жастағы Рүстем Рахметов басқарған.Алдын ала мәлімет бойынша, ол пара алды деген күдікке ілінген. Тергеу нұсқасына сай, түрме басшысы сотталғандардың бірін шартты түрде мерзімінен бұрын босатуға ықпал ету үшін сыйақы алуы мүмкін. Қазір істің нақты мән-жайы мен пара көлемі жария етілмеді.

Бейресми ақпарат көздерінің айтуынша, аталған мекемеде бұрын да сотталғандар мерзімінен бұрын шығу алудың қиын екенін айтып шағымданған.

Айта кетейік, бұл өңірдегі қылмыстық-атқару жүйесінде соңғы жылдары тіркелген алғашқы жағдай емес. 2024 жылдың шілдесінде Солтүстік Қазақстан облысы бойынша ҚАЖ департаментінің бұрынғы басшысы Адлет Мустафинов 1 миллион теңге көлемінде пара алды деген айыппен ұсталған еді. Кейін сот оған 30 миллион теңге айыппұл салып, өмір бойына мемлекеттік қызметте және мемлекеттік секторда лауазым атқаруға тыйым салған.Ал 2023 жылдың тамызында экс-басшылардың бірі, бұрынғы генерал Берік Билялов алаяқтық ісі бойынша бес жылға сотталған болатын. Кейін ол амнистия негізінде мерзімінен бұрын бостандыққа шыққан.

Қазір соңғы ұсталу фактісі бойынша тергеу амалдары жүргізіліп жатыр. Құқық қорғау органдары ресми мәлімдеме жасауы тиіс.