АҚШ-та саясаткер Құранды өртеп жіберді

АҚШ-ТЫҢ РЕСПУБЛИКАЛЫҚ ПАРТИЯНЫҢ ӨКІЛІ ҚАСИЕТТІ ҚҰРАН КІТАБЫН ӨРТЕП, ИСЛАМҒА ҚАРСЫ МӘЛІМДЕМЕЛЕР ЖАСАҒАН ВИДЕОСЫНАН КЕЙІН ҮЛКЕН ДАУДЫҢ ОРТАСЫНДА ҚАЛДЫ, ДЕП ХАБАРЛАЙДЫ POLITICO САЯСИ-ӘЛЕУМЕТТІК ПОРТАЛЫ.

Америкалық саясаткер Валентина Гомес өзінің X әлеуметтік желісіндегі парақшасында 26 тамыз күні жариялаған видеосы үшін қатаң сынға ұшырады. Видеода оның Құранды өртеп жатқаны және ислам дініне қатысты арандатушылық сөздер айтқаны көрінеді.

Гомес исламды "біржола тоқтату" керектігін айтады. Сонымен қатар, ол: "Мен Техастағы исламның көзін жоямын, Құдай өзі жар болсын", – деген сөздерді де қолданған.

Валентина Гомес – АҚШ-тың Техас штатында Республикалық партия атынан Конгресске үміткер ретінде сайлауға түсіп жатқан саясаткер.