Ақтөбелік кондитер Қайратқа арнап торт жасағаны үшін Ақтөбелік жанкүйерлердің сынына ұшырады

Ақтөбелік кондитер Самал Асанова алматылық «Қайрат» футбол клубына арнап торт жасағаннан кейін жергілікті «Ақтөбе» футбол клубы жанкүйерлерінің сынына қалды, деп хабарлайды POLITICO.KZ.

Кондитер әлеуметтік желіде «Қайрат» клубының логотипімен және «Сендерге сенеміз!» деген жазуы бар торттың видеосын жариялаған. Видеода қыздың өзі де «Қайраттың» жейдесін киіп алған.

Бұл әрекет «Ақтөбе» футбол клубының жанкүйерлерінің ашуын тудырды. Олар мұны туған қаласына деген құрметсіздік деп бағалап, «Тек Ақтөбе! Тек қызыл-ақтар!» деген пікірлер қалдырған.

Сынға ұшырағаннан кейін Самал Асанова видеоны өшіріп, жанкүйерлерден кешірім сұрады. Ол өз сөзінде футбол әлемінен хабары жоқ екенін және тек Қазақстан атынан халықаралық аренада өнер көрсетіп жатқан командаға қолдау білдіргісі келгенін түсіндірді.

View this post on Instagram

A post shared by SAMAL ASSANOVA (@samal_assanova_)