Арқалықта су айдынынан бойжеткеннің мәйіті табылды

Арқалықтағы су айдындарының бірінен бойжеткеннің мәйіті табылды, деп хабарлайды Politico.kz.

Қостанай облыстық полиция департаментінің мәліметінше, аталған дерек бойынша сотқа дейінгі тергеп-тексеру басталды.

«Су айдынынан зорлық-зомбылық белгілері байқалмаған қыздың мәйіті табылуына байланысты сотқа дейінгі тергеп-тексеру жүргізіліп жатыр», – деп хабарлады полиция.

Қазіргі уақытта құқық қорғау органдары оқиғаның барлық мән-жайын анықтау үшін қажетті тергеу амалдарын жүргізіп жатыр.

Тергеу нәтижесі бойынша оқиғаға құқықтық баға беріледі.

Сондай-ақ полиция тұрғындарды тек ресми ақпарат көздеріне сенуге және жалған ақпарат таратпауға шақырды.

адам мәйіті Арқалық Полиция департаменті Қостанай облысы

Бізді Google-дың негізгі дереккөздер тізіміне қосыңыз

Қосу