Астана әкімдігі 7 мамырдағы парад кезінде трибунаға кіре алмаған ардагерден кешірім сұрады

Астана әкімдігі 7 мамырдағы парад кезінде трибунаға кіре алмаған ардагер Теңдік Изақовпен болған оқиғаға түсініктеме берді, деп хабарлайды POLITICO.KZ.

«Іс-шараға өту ардагерлердің туыстарынан келіп түскен өтінімдер негізінде жасалған тізімдер бойынша жүзеге асырылды. Изақовтар отбасынан өтінім түскен жоқ», - деп хабарлады баспасөз қызметі.

Билік орындардың шектеулі болғанын және парадқа бүкіл елден келген ардагерлер қатысқанын атап өтті.

Ардагермен болған оқиғадан кейін әкімдік өкілдері кездесіп, жағдай үшін кешірім сұрады.

«Теңдік Изақов 9 мамырда гүл шоқтарын қою рәсіміне шақырылды», - деп қосты хабарламада.